ماسکو(این این آئی)خفیہ منصوبہ بے نقاب،روس چاند پر کیا کررہاہے؟انکشاف نے دنیا بھر میں ہلچل مچادی،خلاکی تسخیر کی نئی عالمی جنگ شروع،روس نے چاند پر خفیہ بیس بنانے کا منصوبہ بنا لیا ہے۔منصوبے کے تحت چاند پر فیڈریشن نامی خلائی جہاز کے ذریعے خلانوردوں کو بھیجا جائے گا اور چاند کی سطح پر بیس تعمیر کی جائے گی۔غیرملکی خبررساں ادارے کے مطابق اس منصوبے کا انکشاف انرجیا کی راکٹ کمپنی ولادیمیر سونسٹیو نے کیا ہے۔ان کے مطابق، 2026 میں ایک خلائی جہاز بغیر پائلٹ کے چاند کے گرد چکر لگانے کے لیے بھیجا جائے گا، جس کے بعد اگلے سال بغیر پائلٹ کے ایک اور خلائی مشین کو چاند کی سطح پر اتارا جائے گا۔جس کے بعد 2029 میں بغیر پائلٹ کے خلائی جہاز بھیجا جائے گا، جس کے بعد 2031 میں حتمی طور پر چاند کی سطح پر اترا جائے گا۔چاند پر خلائی مشن کی کامیابی کے بعد انسان کو مریخ پر پہنچانے کے مشن پر کام شروع کیا جائے گا۔ناسا کا کہنا ہے کہ وہ 2030 سے پہلے ہی مریخ پر پہنچ جائیں گے۔ جب کہ چین کی قومی خلائی انتظامیہ نے 2021 تک مریخ پر پہنچنے کا منصوبہ بنایا ہوا ہیجب کہ یورپین خلائی ایجنسی اور روسی روسکوسموس مشترکہ طور پر روبوٹ کو 2020 تک مریخ کی سطح پر پہنچانے پر کام کررہے ہیں، جو کہ ابھی ابتدائی مرحلے میں ہے۔