وشنگٹن (آئی این پی )امریکہ کی قومی سلامتی ایجنسی کے ڈاریکٹر نے استعفی دے دیا، سابق ڈائریکٹر(ر)لیفٹیننٹ جنرل ران برجیس کو جیمز کلے پر کی جگ نیا ڈائریکٹر مقرر کیا جاسکتا ہے۔غیر ملکی میڈیا کے مطابق امریکی ری پبلکن پارٹی کے نومنتخب صدر ڈونلڈ ٹرمپ کی حلف برداری اور اقتدار سنبھالنے سے قبل ہی امریکہ کی قومی خفیہ ایجنسی کے ڈائریکٹر جیمز کلے پراپنے عہدے سے مستعفی ہوگئے ہیں۔لیفٹیننٹ جنرل ران برجیس کو صدر براک اوباما نے جون 2010 میں ڈینس سی بلیئر کی جگہ ایجنسی کا ڈائریکٹر مقرر کیا تھا جنھوں نے ری پبلکن پارٹی کے نومنتخب صدر ڈونلڈ ٹرمپ کی حلف برداری اور اقتدار سنبھالنے سے قبل ہی اپنا عہدہ چھوڑ دیا ہے۔جیمز کلے پر امریکہ کی سراغ رساں برادری کے ایک اہم فرد رہے ہیں اور وہ گزشتہ سالوں کے دوران مختلف سراغ رساں اداروں میں اہم عہدوں پر فائز رہے ہیں ان کے اختیار میں 17 مختلف حساس ادارے ہیں، جن میں سی آئی اے، ڈرگ انفورسمنٹ ایجنسی اور ایف بی آئی بھی شامل ہیں، ایک لاکھ 7ہزار سے زائد ملازمین ان کے زیراثر ہیں۔امریکی میڈیا کے مطابق ڈیفنس انٹیلی جنس ایجنسی (ڈی آئی اے) کے سابق ڈائریکٹر ریٹائرڈ لیفٹیننٹ جنرل ران برجیس کو اب جیمز کلے پر کی جگہ ایجنسی کا نیا ڈائریکٹر مقرر کیا جاسکتا ہے۔ااس وقت تک اس عہدے کے لیے سامنے آنے والے امیدواروں میں ان کا نام سب سے نمایاں ہے۔

موضوعات:جیمز کلے