نیپئر (نیوز ڈیسک ) شاہدآفریدی عمر اکمل کی منت سماجت پر اتر آئے ، کہتے ہیں کہ عمر اکمل سے ان کی ون ڈے میں 400 وکٹیں پوری کرنے میں مدد کی درخواست کی ہے۔ ایک دو نہیں اس ورلڈ کپ میں ہر بار ہی ایسا ہوا۔ عالمی کپ کے ہر میچ میں عمر اکمل حسب معمول شاہد آفریدی کی گیند پر کئی بار کیچز ڈراپ کرتے نظر آئے۔ بے چارے بوم بوم آفریدی اس صورتحال میں وکٹ کیپر عمر اکمل کی منتیں کرنے پر اتر آئے۔ شاہد آفریدی کی ون ڈے کرکٹ میں ابھی 393 وکٹیں ہیں ٹورنامنٹ کے آغاز سے قبل انہیں امید تھی کہ وہ ایک دو مقابلوں ہی میں 400 کا ہندسہ عبور کر لیں گے۔ لیکن ہائے رے قسمت وہ تین میچوں میں ایک بھی شکار نہ کر سکے۔