اسلام آباد(ایکسکلوژو رپورٹ)نجی ٹی وی پروگرام میں سینئر تجزیہ نگار نے حیران کن دعویٰ کر دیا۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ شربت گلہ طویل عرصہ پاکستان میں رہی ہیں اور ان سمیت تمام مہاجرین کو پاکستان نے ہمیشہ خوش آمدید کہا اور بڑے اچھے طریقے سے انہیں رکھا،سینئر تجزیہ نگار نے دعویٰ کیا کہ شربت گلہ ایک پر اسرار شخصیت ہیں اور ان کا اس حوالے سے پاکستان میں کوئی رول رہا ہے اور رول چند دنوں میں کھل کر سامنے آنے والا ہے۔ ان کا ماضی میں بھی کوئی رول رہا ہے اور اس پر میں ابھی کوئی بات نہیں کرنا چاہتا۔ سینئر تجزیہ نگار ڈاکٹر شاہد مسعود نے کہا کہ شربت گلہ سے انتہائی اہم شخصیات ملاقاتیں کرتی رہی ہیں جن میں افغان سفیر، افغان انٹیلی جنسNDS کے افسران وغیرہ شامل ہیں۔ شربت گلہ نے پاکستان سے افغانستان واپس جاتے ہیں این ڈی ایس کے افسران، افغان صدر اور دیگر اہم شخصیات سے ملاقاتیں کی ہیں اور انہیں گھر وغیرہ اور دیگر مراعات ادھر دی گئی ہیں اور ایسا لگتا ہے کہ آنیوالے کچھ دنوں میں ٹی وی چینلز پر شربت گلہ سے پاکستان کے خلاف بیانات دلوائے جائیں گے اور ایک نیا محاذ کھولا جائے گا۔
ایک دوسری خبر کے مطابق پاکستان سے ڈی پورٹ ہونے والی افغان خاتون شربت گلہ30 سال بعد اپنے وطن واپس پہنچ گئی جہاں افغان صدر اشرف غنی نے اہلخانہ سے استقبالیہ ملاقات کی اور رہائش بھی دیدی۔غیرملکی خبررساں ادارے کے مطابق افغان صدراشرف غنی نے شربت گلہ سے ملاقات کے دوران رہائش کے لیے ایک مکان کی چابی بھی پیش کی اورجنگ سے متاثر افغانیوں کی حالت زار پر دکھ کا اظہار کیا۔اشرف غنی نے اس موقع پر کہا کہ افغان قوم اس وقت غیرمکمل ہے کیونکہ کئی باشندے تاحال ملک سے باہر پناہ گزین ہیں۔انھوں نے کہا کہ حکومت افغان پناہ گزینوں کی واپسی اور خلا کو پر کرنے کے لیے راستہ ہموار کررہی ہے۔شربت گلہ کی کفالت کے حوالے سے افغان صدر نے وعدہ کیا کہ حکومت شربت گلہ اور اس کے اہل خانہ کی رہائش سمیت تعلیم اور صحت کے معاملات کا خیال رکھے گی جبکہ انھوں نے متعلقہ حکام کو مدد کے احکامات جاری کردیے۔

موضوعات:افغانستان شربت گلہ