اسلام آباد( نیوزڈیسک)وزیر اعظم نواز شریف نئے سعودی فرمانروا سلمان بن عبدالعزیز کی دعوت پر کل سے سعودی عرب کا تین روزہ دورہ کریں گے۔ وزیر اعظم نواز شریف سعودی حکام سے خطے کی صورتحال ، باہمی دلچسپی کے امور سمیت دہشت گردی کے خاتمہ کے لئے کوششوں ، خصوصا ملک سے انتہا پسندی کے خاتمے کے اقدامات اور آپریشن ضرب عضب پر بات چیت کریں گے۔ ذرائع کے مطابق سعودی حکومت سے مطالبہ کیا جائے گا کہ نجی سطح پر پاکستانی مدارس یا تنظیموں کو دی جانے والی امداد ، براہ راست کے بجائے حکومت کے ذریعے دی جائے۔ وزیر اعظم عمرہ کی سعادت اور روضہ رسول پر حاضری بھی دیں گے ، وہ اس دوران سعودی عرب میں مقیم پاکستانیوں سے بھی ملیں گے۔