اسلام آباد(مانیٹرنگ ڈیسک) مانسہرہ کے نواحی علاقے میں باراتیوں سے بھری بس الٹ سے چارخواجہ سرا ؤں سمیت 6افراد جاں بحق ہو گئے۔ میڈیا رپورٹس کے مطا بق مانسہرہ کے علاقے مہاڑ پھبلڑہ میں باراتیوں کی بس کو حادثہ پیش آنے سے6 افراد جاں بحق ہو گئے جن میں خواجہ سرا بھی شامل ہیں۔ حادثے میں 10افراد زخمی ہیں جنہیں طبی امداد کیلئے ہسپتال منتقل کر دیا گیا ہے۔ عینی شاہدین کا کہنا ہے کہ حادثہ تیز رفتاری کے باعث پیش آیا اور بس الٹ گئی جس سے چھ افراد موقع پر ہی جاں بحق ہو گئے جبکہ زخمیوں میں خواتین بھی شامل ہیں جن کی حالت خطرے سے باہر بتائی گئی ہے۔ بارات واپس آرہی تھی کہ راستے میں بس کو حادثہ پیش آیا۔بس میں خواجہ سراؤں سمیت 50 سے زائد باراتی سوار تھے۔حادثے کے خبر ملتے ہی پولیس اور امدادی ٹیمیں موقع پر پہنچ چکی ہیں جنہوں نے لاشوں اور زخمیوں کو نکال کر قریبی ہسپتال منتقل کردیا ہے۔

موضوعات:مانسہرہ