اسلام آباد (ایکسکلوژو رپورٹ) ہم آپ کے خادم ، ہم آپکے مددگار ، ہم آپ کی مشکلات دور کریں گے۔آج سارےسیاسی وعدوں اور دعوں کا پول کھل گیا جب وزیر اعظم آزاد کشمیر راجہ فاروق حیدر افتخار آباد کے چھمب سیکٹر میں عوام الناس کی شنوائی کیلئے دورے پر پہنچے۔ گئے تو تھے ایل او سی کے قریبی علاقوں میں متاثرین کے دکھوں کا مداوا کرنے مگر ایک بزرگ خاتون سے تلخ کلامی اور اور ان کے سیکیورٹی گارڈز کی جانب سے خاتون کو دھکے دینے کے بعد سیاسی وعدوں کی حقیقت سب پر عیاں ہو گئی ۔ذرائع کے مطابق ایک بوڑھی خاتون نے اپنا دکھ سنانے کیلئے جیسے ہی وزیر اعظم کے قریب جانے کی کوشش کی ویسے ہی فوراً وزیر اعظم کے سیکیورٹی گارڈز خاتون پر جھپٹ پڑے اور انہیں دھکے دیتے ہوئے وہاں سے دور لے گئے ۔ اسی پر ہی بس نہیں ہوئی ، راجہ فاروق حیدر خان خود بھی چپ نہ رہ سکے اور خاتون کو بری طرح جھاڑ پلا کر اسکے دکھوں کا مداوا کیا ۔سنجیدہ حلقوںمیں وزیر اعظم کے اس اقدام پر تشویش کی شدید لہر دیکھنے میں آرہی ہے ۔

pm-azad135 by siasivideoz