کراچی(این این آئی)عالمی صرافہ مارکیٹ میں فی اونس سونے کی قیمت میں اضافے کے بعد ملکی صرافہ مارکیٹوں میں بھی سونا مزیدمہنگاہوگیا ۔بدھ کے روزعالمی صرافہ مارکیٹ میں7ڈالر کے اضافے سے فی اونس سونے کی قیمت1269ڈالرہوگئی ۔آل پاکستان سپریم کونسل جیولرز ایسوسی ایشن کی رپورٹ کے مطابق ملکی صرافہ مارکیٹوں میں ایک تولہ سونے کی قیمت میں لگاتاردوسرے دن 400روپے کااضافہ ریکارڈ کیاگیاواضح رہے کہ گزشتہ دن بھی سونے کی قیمت میں تین سو روپے کا اضافہ ریکارڈ کیاگیا۔جس کے بعد کراچی،حیدرآباد،لاہور،ملتان،فیصل آباد،اسلام آباد،راولپنڈی اورکوئٹہ کی صرافہ مارکیٹوں میں ایک تولہ سونے کی قیمت51ہزار300روپے سے بڑھ کر51ہزار700روپے پرجاپہنچی اسی طرح343روپے کے اضافے سے دس گرام سونے کی قیمت44ہزار314روپے ہوگئی جبکہ ایک تولہ چاندی کی قیمت750روپے پرمستحکم رہی ۔