نارنگ منڈی (این این آئی)تحریک انصاف کے صوبائی رہنماؤں اورسابق صوبائی ٹکٹ ہولڈر سردارہاشم علی مان اور سردار ضراراحمدمان نے عمران خان کی غلط پالیسیوں کے باعث نالاں ہوکر تحریک انصاف چھوڑ کر ساتھیوں سمیت مسلم لیگ (ن)میں شمولیت کاباقاعدہ اعلان کردیا۔انہوں نے وفاقی وزیردفاعی پیداوار رانا تنویرحسین رکن قومی اسمبلی راناافضال حسین رکن صوبائی اسمبلی چوہدری حسان ریاض متوقع ضلعی چیئرمین رانااحمدعتیق انورکی موجودگی میں اعلان کیاکہ ہم مسلم لیگ (ن)کے سربراہ میاں نوازشریف کی پالیسیوں اور تعمیروترقی کے حوالہ سے ملک کو خوشحالی کی جانب لے جانے پر مسلم لیگ (ن)میں شمولیت کااعلان کرتے ہیں ۔میاں نوازشریف ایک بلند پایہ سیاسی لیڈرہیں اورپاکستان میں کوئی لیڈربھی ان کامقابلہ نہیں کر سکتاعمران خاں کے دھرنوں نے ملک کو بہت نقصان پہنچایاہے اور عوام عمران خاں سے بدظن ہوچکے ہیںیہ ملک وقوم کادشمن ہے عوام عمران خاں کی اصلیت جان چکی ہے اسے پاکستان کی ترقی ہضم نہیں ہورہی ہمیں پاکستان کی ترقی وخوشحالی کیلئے یکجاہونے کی ضرورت ہے پوری قوم کو میاں نوازشریف کاساتھ دیناچاہیے تاکہ ملک میں غربت کاخاتمہ ہواور ملک میں خوشحالی کادوردورہ ہوانشاء اللہ نوازشریف کی قیادت میں ملک ترقی وخوشحالی کے منازل طے کرے گااس موقع پر منوں مٹھائی تقسیم کی گئی اور عوامی حلقوں نے مسلم لیگ میں شمولیت پر سردار برادران کوخراج تحسین پیش کیا۔