اسلام آباد(مانیٹرنگ ڈیسک) سینٹرل جیل پشاور میں قیدیوں کے لئے جگہ کم پڑ گئی ہے غیر ملکی قیدیوں کو مسجد میں رکھا جانے لگا تفصیلات کے مطابق گزشتہ روز وزیر داخلہ خیبرپختونخوا نے صوبائی وزیر اعلی پرویز خٹک کو مراسلہ بھیجا ۔ جس میں صوبائی وزیر داخلہ نے پرویز خٹک کو آگاہ کیا ہے کہ سینٹرل جیل پشاور میں قیدیوں کی تعداد گنجائش سے زیادہ ہو گئی ہے سینٹرل جیل پشاور میں قیدیوں کی تعداد 2900 ہو گئی ہے جو گنجائش سے زیادہ ہے سینٹرل جیل میں گنجائش سے زیادہ قیدیوں کے باعث غیر ملکی قیدیوں کو مسجد میں رکھا جا رہا ہے جو امن و امان میں خرابی کا باعث ہو سکتے ہیں صوبائی وزیر داخلہ نے وزیر اعلی پرویز خٹک سے مطالبہ کیا ہے کہ ہائی سکیورٹی پریزن مردان جیل کو سینٹرل جیل کا درجہ دیا جائے تاکہ گنجائش سے زیادہ قیدیوں کو مردان جیل میں رکھا جا سکے ۔

موضوعات:پشاور قیدی