راولپنڈی (آن لائن)تھانہ روات پولیس نے روات کے قریب پلازے میں چھاپہ مار کر نجی ہسپتال کے منسلک گردہ فروشی میں مطلوب بین الصوبائی گروہ میں شامل 1خاتون سمیت 3افراد کو گرفتار کر لیا ہے جبکہ گروہ کے سرپرست تینوں ڈاکٹر فرار ہونے میں کامیاب ہو گئے پولیس نے چھاپہ کے دوران گردوں کی فروخت کے لئے لائے جانے والے 4خواتین سمیت 24افراد کو بھی بازیاب کرا لیا ہے پولیس کو اطلاع ملی تھی کہ تھانہ روات کے علاقے روات میں ایک گروہ دھوکہ دہی سے غریب افراد کے گردے نکال اندرون و بیرون ملک فروخت کرتا ہے جس پر پولیس نے روات کے علاقے میں واقع کمرشل پلازہ میں چھاپہ مار کر بلقیس نامی خاتون کے علاوہ فقیر حسین اور شہزاد قیوم نامی ملزمان کو گرفتار کر لیا ہے جبکہ پولیس نے حبس بیجا میں رکھی گئی 4خواتین سمیت24افراد کو بازیاب کرا لیا ہے بازیاب کرائے جانے والوں میں شمع سکنہ گوجرانوالہ ،مسماۃشازیہ ،یاسین سکنہ لاہور،اسد، نوشیر ، شہباز ،عارف،سرور،مصطفی،اور ندیم ساکنان فیصل آباد ، اشرف اور رفیق ساکنان اوکاڑہ،زوار سکنہ خانیوال ،اعجاز اور بشیر ساکنان ساہیوال،عبدالخالق اور محمد یار ساکنان قصور،احسان اور احمد ساکنان شیخوپورہ ،عارف سکنہ حافظ آباد شامل ہیں ایس ایچ او تھانہ روات جاوید ملک کے مطابق ملزمان کافی عرصہ سے اس دھندے میں ملوث تھے گرفتار شدگان میں فقیر حسین پنجاب کے پسماندہ علاقوں سے چند ہزار روپے کے لالچ میں دھوکہ دہی سے راولپنڈی لاتا تھا جہاں پر شہزاد قیوم ان مجبور لوگوں کو ایک نجی ہسپتال کے ڈاکٹروں سے ملوا کر رابطہ کار کا کام کرتا تھا جبکہ گردہ نکالے بغیر یہ گروہ کسی کو جانے نہیں دیتا تھا اور اس دوران انہیں زبردستی پلازے میں قید رکھا جاتا تھا ایس ایچ اوکے مطابق ابتدائی تحقیقات میں سامنے آیا ہے کہ اس گروہ میں 2لیڈی ڈاکٹروں سمیت5سے6ڈاکٹر بھی ملوث ہیں جن کی گرفتاری عمل میں لانا باقی ہے تاہم گرفتار شدگان کے خلاف مقدمہ درج کر لیا گیا ہے جبکہ بازیاب کروائے جانے والے مردو خواتین کی ان کے گھروں میں واپسی کے لئے ان کے لواحقین سے رابطہ کیا جا رہا ہے ۔
’’انسانیت دم توڑ گئی ‘‘ انتہائی خطرناک گروہ گرفتار ۔۔۔ کیا کام کیا کرتا ؟ تہلکہ خیز انکشاف
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
گرمی کی شدت کو مدنظر رکھتے ہوئے موسم گرما کی تعطیلات کا شیڈول جاری کردیا
-
بریانی کے بعد تربوز کھانے سے میاں، بیوی اور 2 بچیوں کی موت کی اصل وجہ سامنے آگئی
-
پرائیویٹ سکولوں کیخلاف کریک ڈائون کا فیصلہ
-
حکومت نے پیٹرولیم مصنوعات کی قیمتوں میں ہوشربا اضافہ کردیا
-
پیٹرولیم مصنوعات کی قیمتوں میں مزید اضافے کا امکان
-
ایرانی ریال خریدنے والوں کو مرکزی بینک نے خبردار کر دیا
-
پی ڈی ایم اے نے ممکنہ موسمی صورتحال پر ایڈوائزری جاری
-
اسلام آباد ایئرپورٹ پر فضائی آپریشن متاثر ہونے کا امکان،اہم نوٹم جاری
-
سوزوکی نے پاکستان میں اپنی نئی گاڑی متعارف کرا دی
-
خاتون جیلر نے 14 سال قید کی سزا پانے والے قیدی کو اپنا دولہا بنا لیا
-
ملک میں سونے کی قیمت میں دو دن میں بڑا اضافہ
-
ایپل کی پالیسی! پاکستان میں آئی فون صارفین کے لئے اہم خبر آگئی
-
ٹریفک جرمانوں میں بڑی کمی، قید کی سزائیں ختم، گورنر پنجاب نے بل پر دستخط کر دیئے
-
شہریوں کے لیے خطرے کی گھنٹی! غیر قانونی ہاؤسنگ اسکیموں کی نئی فہرست سامنے آگئی



















































