لاہور (این این آئی ) پاکستان تحریک انصاف کے جلسوں کا کنٹریکٹ نہ ملنے پر ڈی جے بٹ مسلم لیگ (ن) کے جلسوں میں ترانوں کا تڑکہ لگانے لگے ۔ تفصیلات کے مطابق تحریک انصاف کے جلسوں سے شہرت حاصل کرنیوالے ڈی جے بٹ آج ( اتوار ) کو مسلم لیگ (ن) کے مردان میں ہونے والے جلسے میں اپنی خدمات انجام دیں گے ۔ یاد رہے کہ ڈی جے بٹ نے چیئرمین تحریک انصاف عمران خان سے کئی مرتبہ ملاقات کر کے جلسوں میں ساؤنڈز کے لئے اپنی خدمات فراہم کرنے کی خواہش ظاہر کی اور کنٹریکٹ حاصل کرنے کی بھی سرتوڑ کو شش کی لیکن اس میں مسلسل ناکامی کا سامنا کرنا پڑا ۔

موضوعات:ڈی جے بٹ