لندن( آن لائن )امریکہ اور یورپ کے صرافہ بازار میں سونے کی قیمت میں کمی ریکارڈ کی گئی ہے جبکہ عالمی گولڈ مارکیٹ میں قیمتیں گرنے اور بڑھنے کا عمل برقرار رہا۔ تفصیلات کے مطابق ایک جانب عالمی گولڈ مارکیٹ میں سونے کی قیمتیں اتار چڑھاو کا شکار رہیں تو دوسری جانب امریکہ اور یورپ کے صرافہ بازاروں میں سونے کی قیمتوں میں کمی ریکارڈ کی گئی۔لندن کی مارکیٹ میں سپاٹ گولڈ کی قیمت میں صفر اعشاریہ آٹھ فیصد اضافہ ریکارڈ کیا گیا جہاں مستقبل میں خریداری کے معاہدے بارہ سو تریسٹھ اعشاریہ ایک آٹھ ڈالر فی اونس میں طے ہوئے۔دوسری جانب یو ایس گولڈ مارکیٹ میں سونے کی قیمت بارہ اعشاریہ آٹھ ڈالر فی اونس بڑھ گئی جہاں نیویارک مارکیٹ میں سپاٹ گولڈ بارہ سو پچاس اعشاریہ تین پانچ ڈالر فی اونس پر فروخت ہوا جبکہ سونے کی خریداری کے معاہدے بارہ سو پینسٹھ اعشاریہ آٹھ صفر ڈالر فی اونس میں طے ہوئے۔۔