اسلام آباد (آن لائن)برطانوی نڑاد پاکستانی باکسر عامر خان نے کہا ہے کہ پاکستان میں باکسنگ کے فروغ میں کوئی مشکل حائل نہیں، اسلام آباد میں پہلی باکسنگ اکیڈمی قائم ہوچکی ہے، دوسری باکسنگ اکیڈمی کراچی میں بنائی جارہی ہے جس کا جلد افتتاح کیا جائیگا۔ان خیالات کا اظہار انہوں نے ایک تقریب میں شرکت کے بعد میڈیا سے گفتگو کی۔ عامر خان کا کہناتھاکہ پاکستان ایک محفوظ ملک ہے اورانہیں پاکستان سے بے حد پیار ہے، پاکستان کو آگے بڑھتے ہوئے دیکھنا ان کا مشن ہے۔عامر نے کہا کہ انہیں کسی وزیر سے کوئی مسئلہ نہیں، اسپورٹس مین کھیل میں چیلنج فٹنس برقرار رکھتا ہے۔