کراچی(این این آئی) متحدہ قومی موومنٹ(ایم کیوایم) کی گرفتار 3خواتین کو رہا کردیا گیاہے،رہائی کے بعدخواتین ایم کیو ایم کے عارضی مرکز پی آئی بی کالونی پہنچ گئیں۔مذکورہ خواتین کو 22اگست کی پاکستان مخالف تقریر پر اشتعال میں آکر نجی چینل کے دفتر پر حملے کے الزام میں گرفتار کیا گیا تھا۔واقعے میں ایک شخص جاں بحق اور متعدد افراد زخمی ہوئے تھے جبکہ کئی گاڑیوں، موٹرسائیکلوں اور دیگر املاک کو نقصان پہنچا تھا۔بعد ازاں سی سی ٹی فوٹیج کی مددسے 3خواتین سمیت60کے قریب افراد کو حراست میں لے لیا گیا تھا۔