کراچی(مانیٹرنگ ڈیسک)پاکستان مخالف بیانات اورسرگرمیو ں میں ملوث ہونےکے ثبوت ملنے کے بعد متحدہ قومی موومنٹ کے بانی کے
نام اور تصویر کے بعد متحدہ قومی موومنٹ کے بانی کا ہوم یونٹ بھی مٹ گیا۔ یونٹ ایک سو تریپن اے مور پارک میں قائم دفتر گرادیا گیا عزیزآباد کا سیکٹرآفس بھی گرا دیا گیا۔ایک نجی ٹی وی کے مطابق مسمار کیا جانے والا متحدہ قومی موومنٹ کا یونٹ ایک سو تریپن اے مور پارک میں قائم کیا گیا تھا۔ بھنگوریہ گوٹھ میں یونٹ ایک سو تریپن بی جب کہ فیڈرل بی ایریا کے یونٹ ایک سو چوون اور ایک سو پچپن کو بھی مسمار کردیا گیا۔متحدہ قومی موومنٹ کا عزیزآباد کا سیکٹرآفس بھی ملیامیٹ کردیا گیا، جبکہ غیرقانونی دفاتر کیخلاف کریک ڈاؤن کے دوران ضلع وسطی میں آٹھجبکہ دیگر علاقوں میں مزید پانچ دفاتر گرادیے گئے۔سندھ پولیس کے اعداد و شمار کے مطابق کراچی میں اب تک تقریباً ستر سے زیادہ دفاتر گرائے جاچکے ہیں اورابھی مزید آپریشن جاری ہیں ۔