فیصل آباد(مانیٹرنگ ڈیسک) فیصل آباد میں سیوریج لائن کے افتتاح کا معاملہ دونوں روایتی گروپوں میں جھگڑے کا باعث بن گیا۔ یو سی 118 کے چیئرمین کا تعلق رانا ثناء اللہ جبکہ وائس چیئرمین کا تعلق شیر علی گروپ سے ہے۔ گئو شالہ میں سیوریج لائن کے افتتاح کیلئے یو سی وائس چیئرمین نے وزیر مملکت عابد شیر علی کو بلایا، جس پر دونوں گروپوں میں جھگڑا ہو گیا۔ رانا ثناء اللہ کے حامیوں نے وائس چیئرمین افتخار رحمانی کو تھپڑ جڑ دیا۔ جبکہ دوسرے گروپ نے بھی منصوبے کے افتتاح کیلئے رانا ثنا اللہ کو بلا لیا۔