لاہور(مانیٹرنگ ڈیسک) سینئر صحافی اور اینکر پرسن کاشف عباسی نے دعویٰ کیا ہے کہ حکومت کچھ بھی کر لے وہ احتجاج کو نہیں روک سکتی ۔ انہوں نے ان خیالات کا اظہار ایک نجی ٹی وی شو میں حکومت کی کنٹینر پالیسی کو شدید تنقید کر نشانہ بنا ڈالا ۔ ان کا کہنا تھا کہ ہر حکومت کے دور میں احتجاج ہوتا ہے اور ہر حکومت کا خیال ہوتا ہے کہ وہ احتجاج کو رکاوٹوں کے ذریعے روک لیں گے ۔
ان کا کہنا تھا کہ انہوں نے اپنے صحافتی کیرئیر میں بہت سے احتجاج ہوتے دیکھے ہیں جبکہ نواز شریف کی اپنی قیادت میں ہونے والے ججز بحالی مارچ کا حوالہ دیتے ہوئے ان کا کہنا تھا کہ اس وقت موجودہ صورتحال سے بھی سخت انتظامات تھے مگر اس احتجاج کو بھی کوئی نہیں روک پایا تھا تو اگر میاں صاحب یہ سمجھتے ہیں کہ وہ اس احتجاج کوطاقت سے روک سکتے ہیں تو اس خیال کو چھوڑ دیں اور مناسب طریقے سے مذاکرات کے ذریعے عوامی مطالبات کو پورا کرنے کی کوشش کریں۔

موضوعات:۔۔سینئر صحافی کا بڑا دعویٰ