بورے والا(نیوز ڈیسک) این اے 63 کے ضمنی انتخاب میں بھی ن لیگ نے کامیابی حاصل کی۔ غیر سرکاری اور غیر حتمی نتائج کے مطابق مسلم لیگ ن کے امیدوار مطلوب مہدی نے 82896 ووٹ حاصل کئے جبکہ پی ٹی آئی کے امیدوار فواد چوہدری کو 8077 ووٹوں سے شکست ہوئی۔ پی ٹی آئی کے فواد چوہدری 74819 ووٹ لے کر دوسرے نمبر پر اور پی پی کے امیدوار نے 4907 ووٹ حاصل کیے۔ فتح کا اعلان ہوتے ہی متوالے جشن منانے نکل پڑے کوئی بھنگڑے ڈالتا رہا کوئی نعرے مارتا رہا۔ مسلم لیگ ن کی قیادت بھی اپنے امیدواروں کی فتح پر نازاں دکھائی دی۔