اسلام آباد(مانیٹرنگ ڈیسک )کیرئیرمیں ڈھیروں وکٹیں اڑانے اورتینوں فارمیٹس میں دھوم مچانے والے جادوگر اسپنر سعید اجمل پرآئی سی سی نے بالنگ ایکشن پر پابندی کیا لگائی،سعید اجمل سے قسمت روٹھ گئی۔ ایکشن تو ٹھیک ہوا لیکن کیرئیر خاتمے پر پہنچ گیا۔پی سی بی کا سینٹرل کنٹریکٹ بھی نہ ملا۔ ریٹائرمنٹ کے لئے تیار سعید اجمل کا کہنا ہے کہ ٹیسٹ کرکٹ کو باعزت انداز میں چھوڑنے کا موقع ملنا چاہئے باوقار طریقے سے کرکٹ کو خیر باد کہنا چاہتا ہوں پاکستان کیلئے میری خدمات کو مدنظر رکھتے ہوئے مجھے ایک موقع ضرور ملنا چاہیے سینٹرل کنٹریکٹ نہ ملنے پر بھی مایوس ہوں، اگر یہی حال رہا تو میں آنے والے چند دنوں میں ریٹائرمنٹ کا اعلان کر دوں گا مگر میں نئے ٹیلنٹ کی تربیت جاری رکھوں گا ۔