لندن (این این آئی) پیپلزپارٹی کی قیادت نے فیصلہ کیا کہ پاناما لیکس سمیت حکومتی کرپشن کے معاملات کو منطقی انجام تک پہنچایا جائے گا ۔ پیپلزپارٹی کی قیادت نے اتفاق کیا کہ پارلیمنٹ الیکشن کمیشن ، عدلیہ اور سڑکوں سمیت حکمرانوں کے خلاف ہر ممکنہ راستہ استعمال ہو گا،لندن میں سابق صدر آصف زرداری اور چیئر مین پیپلز پارٹی بلاول بھٹو کی ملاقات میں اتفاق کیا گیا کہ حکومت سے مفاہمت ہو گی نہ ہی کوئی رعایت برتی جائی گی ٗ پاناما لیکس سمیت حکومتی کرپشن کے معاملات کو منطقی انجام تک پہنچایا جائے گا ۔ذرائع کے مطابق پیپلزپارٹی نے حکومت سے پس پردہ رابطوں کی خبروں کو گمراہ کن قراردیدیا ۔ آصف علی زرداری اور بلاول بھٹو کی لندن میں ملکی سیاسی معاملات پر طویل مشاورت ہوئی ۔ ملاقات کے دوران پانامہ لیکس ، الیکشن کمیشن میں وزیراعظم کے خلاف دائر ریفرنس اور دیگر معاملات پر تبادلہ خیال کیا گیا ۔پیپلزپارٹی کی قیادت نے فیصلہ کیا کہ پاناما لیکس سمیت حکومتی کرپشن کے معاملات کو منطقی انجام تک پہنچایا جائے گا ۔ پیپلزپارٹی کی قیادت نے اتفاق کیا کہ پارلیمنٹ الیکشن کمیشن ، عدلیہ اور سڑکوں سمیت حکمرانوں کے خلاف ہر ممکنہ راستہ استعمال ہو گا ۔ قیادت نے اتفاق کیا کہ اپوزیشن کو بلیک میل کرنے کے حکومتی حربے ناکام ہوں گے ۔ حکومت سے پس پردہ رابطوں کی خبروں کو پیپلزپارٹی کی قیادت نے گمراہ کن قرار دیدیا ۔ پیپلزپارٹی کی قیادت نے واضح کیا کہ حکومت کے لئے نرم گوشہ ہے نہ ہی اسے کوئی پیغام بھجوایا گیا ۔