اسلام آباد(مانیٹرنگ ڈیسک)نہ زمین پھٹی نہ آسمان گرا ، سفاکی کی ساری حدیں ٹوٹ گئیں جب پاکستان میں یوم آزادی کے موقع پر ایک نو عمر لڑکی کو پٹرول بم کے ذریعے زندہ جلا دیا گیا۔ سندھی زبان میں شائع ہو نے والے مقامی اخبار ’’روزنامہ کاوش‘‘ کے مطابق لاڑکانہ میں یوم آزادی کے موقع پہ وطن کی محبت میں سرشار ہو وطن عزیز کے پرچموں پر مشتمل 14سالہ سمیعہ شیخ نے آزادی سٹال لگایا جو ملک کے دشمنوں کو راس نہ آیا اور انہوں نے معصوم بچی کو پٹرول بم سے جلا ڈالا۔ ذرائع کے مطابق حملہ آور ’’علیحدگی پسند تنظیم جئے سندھ متحدہ محاذ کے کارکن تھے‘‘۔ ،مقامی اخبار کے مطابق وزیر اعلیٰ سندھ نے واقعہ کا نوٹس لیتے ہوئے حملہ آوروں کو فوری گرفتار کرنے کا حکم دینے کے ساتھ ساتھ شہید بچی کے لواحقین کیلئے 5لاکھ روپے امداد کا اعلان کیا جبکہ وزارت داخلہ نے بھی پولیس حکام سے تفصیلی رپورٹ طلب کر لی ہے ۔