اسلام آباد(مانیٹرنگ ڈیسک)پاکستان عوامی مسلم لیگ کے سربراہ شیخ رشید احمد نے بدھ کے روز نجی ٹی وی کے پروگرام میں گفتگو کرتے ہوئے کہا تھا کہ حکومت کے خلاف تحریک کے دوران عمران خان شادی نہ کریں کیونکہ جب تحریک کامیاب ہونے لگتی ہے تو عمران خان یا تو پھسل جاتے ہیں یا پھر شادی بیچ میں آجاتی ہے۔ شیخ رشید کی جانب سے شادی کے حوالے سے بیان سامنے آنے کے بعد چیئرمین تحریک انصاف عمران خان نے ایک نجی ٹی وی کے پروگرام میں گفتگو کرتے ہوئے کہا کہ شادی شریعت میں جائز ہے تو شیخ رشید کوکیا مسئلہ ہے؟ انہیں بھی شادی کرلینی چاہیے۔ ایک سوال کے جواب میں عمران خان کا کہنا تھا کہ فی الحال ان کا شادی کا کوئی ارادہ نہیں ہے اور اس کی ایک وجہ یہ بھی ہے کہ انہیں کوئی ملی ہی نہیں ہے لیکن جب ملے گی تب وہ شادی کر لیں گے۔

موضوعات:Imran Khan