لاہو ر(این این آئی )عوام کی طرف سے اب تک 15سے زائد مبینہ اغواء کاروں کو پکڑا گیا لیکن تحقیقات میں وہ اغوا ء کار ثابت نہیں ہوئے ! رواں سال 2016ء میں اب تک بچوں کے اغواء اور لا پتہ ہونے کے مجموعی طور پر 240 مقدمات درج ہوئے جن میں سے 231بچے بحفاظت اپنے گھروں میں واپس پہنچ گئے جبکہ 9کی تلاش جا ری ہے۔ ایس ایس پی انوسٹی گیشن حسن مشتاق سکھیرا کے مطابق ان مقدمات میں لین دین کے تنازعہ پربوگس مقدمات بھی درج کرائے گئے ۔رواں سال میں مجموعی طو رپر بچوں کے اغواء یا لا پتہ ہونے کے حوالے سے 240مقدمات درج کئے گئے جن میں سے 231کو ٹریس کر لیا گیا اور ان میں سے کچھ از خود گھر وں کو واپس آگئے جبکہ اس وقت 9بچوں کی تلا ش جا ری ہے ۔ انہوں نے بتایا کہ عوام کی طرف سے اب تک 15سے زائد مبینہ اغواء کاروں کو پکڑا گیا لیکن تحقیقات میں وہ اغوا ء کار ثابت نہیں ہوئے ۔