کراچی(این این آئی)وفاقی حکومت نے اسٹاک ایکسچینج کے شیئرز عوام کو فروخت کرنے کا فیصلہ کیا ہے ۔ وفاقی وزیر خزانہ اسحاق ڈارکے مطابق حصص کی فروخت کا حتمی فییوں دیتے ہوئے کہا ہے کہ پاکستان اسٹاک ایکسچینج کے حصص فروخت کرنے کی تیاری کر رہے ہیں ، آئی پی اوز لانے کا حتمی فیصلہ آئندہ دو ہفتوں میں کرلیا جائے گا ، دوسری جانب ایم ڈی پاکستان اسٹاک ایکسچینج نے بتایا کہ پاکستان اسٹاک ایکسچینج کے 40 فیصد حصص فروخت کیے جائیں گے ۔ انہوں نے کہاکہ ترکی کی بورسا اسٹاک مارکیٹ نے پاکستان اسٹاک ایکسچینج کے حصص کی خریداری میں دلچسپی ظاہر کی ہے ۔ کراچی ، لاہور اور اسلام آباد اسٹاک ایکسیچنج کے ایک ہونے کے بعد پاکستان اسٹاک ایکسچینج نے ماضی کے تمام ریکارڈ کو توڑ ڈالا ۔ رواں سال کے آغاز سے پاکستان اسٹاک ایکسچینج کے انڈیکس میں 20 فیصد بہتری آئی ہے ۔