لاہور(این این آئی) رواں سال کے چھ ماہ میں پاکستانیوں نے دبئی میں 3ارب اماراتی درہم کی جائیدادیں خرید کیں جبکہ بھارتیوں سرمایہ کاروں نے 7ارب اور برطانویوں نے 4 ارب درہم کی جائیدادیں خریدیں۔ایک میڈیا رپورٹ میں دبئی لینڈ ڈپارٹمنٹ کے حوالے سے بتایا گیا ہے کہ ڈیڑھ سال میں پاکستانیوں نے دبئی کی رئیلٹی مارکیٹ میں 18ارب درہم (پاکستانی 512 ارب روپے)سے بھی زائد کی سرمایہ کاری کی۔2015ء میں غیر ملکیوں میں سب سے زیادہ سرمایہ کاری کرنے والے بھارتی تھیجہاں8756سرمایہ کاروں کی جانب سے 20 ارب درہم کی پراپرٹی ٹرانزکشن کی گئی جبکہ 4889سرمایہ کاروں کی جانب سے 10ارب درہم کی پراپرٹی ٹرانزکشن کے ساتھ برطانوی دوسرے نمبر پر رہے۔6106پاکستانی سرمایہ کار 8ارب درہم کی پراپرٹی ٹرانزیکشن کے ساتھ تیسرے نمبر پر رہے۔