راجستھان( آن لائن ) بولی وڈ اسٹار سلمان خان کو نایاب ہرن کے شکار کے دونوں مقدمات سے بری کردیا گیا، یہ مقدمات دبنگ خان پر 1998 میں قائم کیے گئے تھا۔راجستھان ہائیکورٹ نے سلمان خان کو باعزت بری کرتے ہوئے اپنے فیصلے میں کہا کہ اس بات کے کوئی ٹھوس شواہد نہیں ملے کہ جو نایاب ہرن مردہ پائے گئے تھے انہیں سلمان خان نے ہی مارا تھا۔ میڈیا رپورٹ کے مطابق ہائی کورٹ کے جج جسٹس نرمل جیت کور نے فیصلہ سنایا اور سلمان خان کو شک کا فائدہ دیتے ہوئے بری کیا۔سلمان خان پر الزام تھا کہ انہوں نے جودھ پور کے قریب یکم اور 2 اکتوبر 1998 کی درمیانی شب میں 2 نایاب ہرنوں کا شکار کیا تھا، ان پر آرمز ایکٹ کے تحت مقدمہ درج کیا گیا تھا کیوں کہ محکمہ جنگلات نے الزام لگایا تھا کہ اداکار نے جس بندوق سے شکار کیا اس کے لائسنس کی میعاد ختم ہوچکی تھی۔سلمان خان کے خلاف غیر قانونی شکار کا ایک اور مقدمہ راجستھان میں ہی زیر سماعت جس کا فیصلہ ہونا باقی ہے۔نایاب کالے ہرن کے غیر قانونی شکار کے مقدمے میں 2006 میں مقامی کورٹ نے سلمان خان کو 5 برس قید کی سزا سنائی تھی تاہم سلمان خان نے اس فیصلے کو ہائی کورٹ میں چیلنچ کردیا تھا۔