ہری پور(آئی این پی)طورخم بارڈرگیٹ ایشوپر افغانیوں کی مزاحمت، پاک فوج پر حملوں اوربعدازاں پاکستانی پرچم نذر آتش اورپاکستان مخالف نعروں کے خلاف ہری پور کے نواحی علاقے پڈھانہ کے مشتعل عوام سراپااحتجاج بن گئے،پڈھانہ افغانی کیمپ سے ہری پور صدیق اکبر چوک تک چارکلومیٹرلانگ مارچ،ممبران تحصیل و ضلع کونسل ،سول سوسائٹی اورآل ٹریڈرز کی بھی مظاہرے میں بھرپور شرکت،صوبائی و وفاقی حکومت سے افغانیوں کو دی گئی چھ ماہ کی مہلت میں ہرگزتوسیع نہ کرنے اوراس دورن انھیں شہربدرکرکے کیمپوں تک محدودکرنے کامطالبہ بصورت دیگر اسلام آباد مارچ کرنے اورافغانیوں کو ڈنڈے کے زورپرنکالنے اوران کے گھرنذرآتش کرنے کی دھمکی دے دی۔گذشتہ روز پڈھانہ کے معروف سماجی کارکن شیخ ریاض الدین ،ممبرتحصیل کونسل حق نوازناجی،ممبرضلع کونسل صاحبزادہ عطاء الرحمان،پاکستان فلاح پارٹی کے مرکزی صدرقاضی عتیق الرحمانآل ٹریڈرزایسوسی ایشن ہری پور کے جنرل سیکرٹری حاجی فرحت نواز،ملک ممریز،ملک اشفاق،عمران ٹائیگرفورس کے صدرتنویر احمدخان اورمفتی اظہر محمود ہزاروی سمیت دیگر نے افغانیوں کے پاک فوج پرحملوں ، پاکستان مخالف نعروں اوردیگرمذموم حرکات کے خلاف شدیدردعمل کا اظہارکرتے ہوئے کہا کہ نمک حرام اورغدارافغانی پاکستان کی سلامتی اوربقاء کے لیے سنگین خطرہ بن چکے ہیں اورامریکہ،انڈیاسمیت دیگر پاکستان دشمن عناصر کے آلہ کار بن چکے ہیں اگر ضلعی انتظامیہ اورصوبائی حکومت نے افغانیوں کو فوری طور پر شہربدرکر کے کیمپوں تک محدودنہ کیااوراگر افغانیوں کے انخلاء کے لیے مقررہ مدت میں توسیع کی تو عوام خودانھیں ڈنڈے کے زورپرنکالنے پر مجبورہو جائیں گے اوراس کی تمام ترذمہ داری ضلعی انتظامیہ اورصوبائی حکومت پوعائد ہو گی ۔مقررین نے کہا کہ پاکستان اورپااکستانی عوام نے افغانیوں کی 35سال تک ہرطرح کی خدمت کی مگرانھوں نے جواب میں احسان فراموشی اورغداری کا ثبوت دیاجس سے ہرمحب وطن پاکستانی کا دل چھلنی ہے اوروہ ایک سیکنڈبھی ان پاکستان دشمن عناصر کو پاکستان میں دیکھناگوارانہیں کرتے۔مقررین نے کہا کہ افغانی پاکستان کے امن اورمعیشت کے لیے سب سے بڑاخطرہ ہیں انھیں نہ صرف ہری پور ہزارہ بلکہ ملک بھرسے دیس نکالادے کر وطن عزیزکے غیورعوام میں پائی جانے والی تشویش کا فوری ازالہ کیا جائے۔