لاس اینجلس (این این آئی) مشہور زمانہ ویڈیو گیم ’کال آف ڈیوٹی‘ کا نیا حصہ متعارف کروادیا گیا ہے۔ اسی سلسلے میں ایکشن سے بھرپور ویڈیو گیم ’کال آف ڈیوٹی ، انفینیٹ وار فیئر‘ کا ٹریلر بھی منظرِ عام پر آگیا ہے ۔ امریکی گیمز ڈویلپرز انفینیٹی وارڈ کی پیش کردہ گیم میں کئی نئے مشن اور ٹاسک متعارف کروائے گئے ہیں جس میں نہ صرف گزشتہ حصوں سے زیادہ ایڈونچر اور ایکشن شامل ہے، بلکہ نئے کردار بھی موجود ہیں جو گیم کھیلنے والے کو ہائی لیول تک پہنچانے میں مدد گار ثابت ہونگے۔ ماہر نشانے باز فائٹرز، ہتھیاروں سے لیس طاقتور کھلاڑیوں اورخطرناک دشمنوں کو نشانہ بناتے کرداروں سے بھرپور یہ ویڈیو گیم ایکس باکس ون، پلے سٹیشن فوراورمائیکرو سوفٹ وِنڈوزکیلئے موزوں ہے جورواں سال 4نومبرکولانچ کر دیا جائیگا۔