اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے بڑا دعویٰ کر دیا۔ سینئر صحافی نے نجی ٹی وی پروگرام میں گفتگو کرتے ہوئے کہا کہ عمران خان نے پہلے دن سے اعادہ کیا ہوا ہے کہ چاہے میں اکیلا نکلوں، دس فیصد لوگ نکلیں یا جتنے مرضی لوگ آئیں ۔ میں نے سڑکوں پر آنا ہی آنا ہے اور آخری تحریک چلانی ہے۔ سینئر صحافی نے دعویٰ کرتے ہوئے کہا کہ اس بار عمران خان کے ساتھ وکلاء کی ایک بہت بڑی تعداد میدان میں آئے گی۔
نجی ٹی وی پروگرام مییں گفتگو کرتے ہوئے سینئر صحافی عارف حمید بھٹی نے کہا کہ عمران خان اس بار سول سوسائٹی کے اور زیادہ لوگوں کو باہر لے کر نکلنے میں کامیاب ہو جائیں گے۔ وکلاء اور سول سوسائٹی کی لاکھوں میں تعداد سڑکوں پر آ گئی تو حکومت کیلئے انہیں سنبھالنا مشکل ہو جائیگا اور اتنی بڑی تعداد کو سنبھالنے کے چکر میں حکومت لازمی کوئی ایسا بلنڈر کرے گی جو حکومت لپیٹ دے گا۔عمران خان کی تحریک کا حصہ بننے کیلئے سول سوسائٹی نے کارنر میٹنگز بھی شروع کر دی ہے۔ اس بار عمران خان کے ساتھ طاہر القادری کے ساتھ ساتھ جماعت اسلامی بھی آ سکتی ہے۔