اسلام آباد (این این آئی) پاکستان تحریک انصاف نے 7اگست سے حکومت کے خلاف تحریک شروع کرنے اور 25جولائی کو نیب کے باہر احتجاج کا اعلان کرتے ہوئے کہاہے کہ تحریک کیلئے تمام صوبوں میں کمیٹیاں بنیں گی، جدوجہد اور محنت کے بغیر کوئی شخص لیڈر نہیں بن سکتا ٗنواز شریف تین مرتبہ وزیر اعظم بننے کے باوجود لیڈر نہیں بن سکے ٗمارشل لاء آتا تو سب سے زیادہ تحریک انصاف متاثر ہوتی ٗ ہمارے ٹی او آرز پر کمیٹی بنادیں، تحریک ختم کردیں گے ٗ کسی کوپارٹی سے اختلاف ہے توپارٹی چھوڑدے یا چیئرمین کاالیکشن لڑلے۔ بدھ کو پارٹی اجلاس کے بعد میڈیا سے گفتگو کرتے ہوئے عمران خان نے کہاکہ 20 سال تک جمہوری جدوجہد مارشل لاء کیلئے نہیں کی، مارشل لاء آتا تو سب سے زیادہ تحریک انصاف ہی متاثر ہوتی ، پہلے عوام میں شعور پیدا کر لیں ، پھر دھرنا بھی ہوگا ، انہوں نے پیشکش کی کہ ہمارے ٹی او آرز پر کمیٹی بنادیں، تحریک ختم کردیں گے ۔عمران خان نے تحریک انصان کی لیگل کمیٹی میں نعیم بخاری کوخوش آمدیدکہتے ہوئے کہا کہ کسی اورپارٹی میں اتنی آزادی نہیں جتنی تحریک انصاف میں ہے،کسی کوپارٹی سے اختلاف ہے توپارٹی چھوڑدے یا چیئرمین کاالیکشن لڑلے،چیئرمین اور چیئرمین کے امزدکردہ لوگوں کے فیصلوں کوچیلنج نہیں کرنے دوں گا،تحریک کیلئے تمام صوبوں میں کمیٹیاں بنیں گی، جدوجہد اور محنت کے بغیر کوئی شخص لیڈر نہیں بن سکتا،کسی بھی لیڈر کی بنیاد صداقت اور امانت پر رکھی جاتی ہے، پارٹی نظم و ضبط کی خلاف ورزی پر سخت کارروائی کی جائے گی۔انہوں نے کہا کہ ترکی میں فوج آئی عوام سڑکوں پر نکل آئے ٗ مارشل لاء سے متعلق بیان کوغلط طریقے سے پیش کیا گیا ٗپاکستان میں کسی لیڈرنے20سال تک جدوجہدنہیں کی ٗکیا میں نے20سال سے مارشل لاء کیلئے جدوجہدکی،اگرمارشل لاآتاہے توسب سے زیادہ تحریک انصاف متاثرہوگی۔عمران خان نے کہاکہ کئی معاملات پراپوزیشن کیساتھ متفق ہیں،ہم حقیقی جمہوریت کیلئے جدوجہدکررہے ہیں ٗ پاکستان میں فوج آئی تو مٹھائیوں کی دکانیں خالی ہو گئیں، نیب کوپانامالیکس کے بعدوزیراعظم کیخلاف کارروائی کرنی چاہیے تھی،نیب بتائے اس نے وزیراعظم کیخلاف انکوائری کیوں نہیں کی۔انہوں نے کہا کہ ملک گیرتحریک کے لیے فنڈزجمع کرنے شروع کردئیے ہیں انہوں نے کہاکہ نیب کو پاناما لیکس کے بعد شریف خاندان کیخلاف ایکشن لینا چاہیے تھا انہوں نے اعلان کیا کہ 25 جولائی کو نیب آفس کے سانے مظاہرہ کیا جائیگا ٗتحریک انصاف کے30لاکھ ممبران ہیں ٗہرممبرسے سوروپے لیں گے،پہلے عوام میں شعورپیداکریں گے،بعدمیں دھرنابھی ہوگا،ملک میں جمہوریت تب آئیگی جب لیڈرعوام کوجوابدہ ہوگا،واضح ہوگیا کہ حکومت احتساب نہیں چاہتی۔ عمران خان نے کہاکہ ملک میں جاری کرپشن اور پاناما لیکس کے معاملے کیخلاف ملک گیر تحریک شروع کرنے جا رہے ہیں ٗ کرپشن کیخلاف تحریک کا آغاز 7 اگست سے ہوگا۔انہوں نے کہاکہ اگر وزیراعظم نوازشریف کا احتساب نہیں ہو گا تو پھر کسی کا بھی احتساب نہیں ہو گا ۔