اسلام آباد(مانیٹرنگ ڈیسک) متنازعہ ماڈل واداکارہ قندیل بلوچ کے والد نے بیا ن دیتے ہو ئے کہا کہ میر ے بیٹے نے قند یل کو غیر ت کے نا م پر قتل نہیں کیا بلکہ پیسو ں کے لا لچ میں آکر بہن کو قتل کیا ہے والد نے یہ دعوی پو لیس کو ایف آئی آر درج کر واتے ہو ئے کیا تھا کہ بیٹے نے پیسو ں کے لا لچ میں قتل کیا ہے ۔ متنازعہ ماڈل واداکارہ قندیل بلوچ کو حقیقی بھائی نے گلہ دبا کر قتل کر دیا۔ سی پی اوملتان اظہر اکرام نے قتل کی تصدیق کر دی۔ اظہر اکرام نے کہا کہ قندیل بلوچ کے والد نے قتل سے متعلق پولیس کو ٹیلی فون پر بتایاتھا ۔ پولیس قتل کی اطلاع ملتے ہی موقع پر پہنچ گئی۔پولیس کو ریکارڈ کروائے گئے بیان کے مطابق قندیل بلوچ کے والد عظیم نے بتایارات کو قندیل بلوچ کا اپنے بھائی سے کسی بات پر جھگڑا ہو گیا تھا۔
قندیل بلوچ کے والد کے مطابق وہ اپنی بیوی اور بیٹے کے ہمراہ چھت پر سو رہے تھے کہ وسیم نے قندیل بلوچ کو قتل کر دیا اور نقدی اور موبائل کے ہمراہ فرار ہو گیا۔ قندیل کے والد عظیم نے کہا کہ میں جب سو کر اٹھا اور نیچے آیا تو اس وقت 10 بج چکے تھے۔ قندیل بلوچ کو جگایا گیا تو وہ نہ جاگی ۔ چیک کرنے پر پتہ چلا کہ وہ مر چکی ہے۔ قندیل بلوچ چاند رات سے نواحی علاقہ مظفر گڑھ میں مقیم تھیں۔معروف ماڈل و اداکارہ قندیل بلوچ کے قتل کی خبر ملک بھر میں جنگل کی آگ کی طرح پھیل گئی۔