ممبئی(مانیٹرنگ ڈیسک) بالی ووڈ فلم بجرنگی بھائی جان میں شانداراداکاری سے سب کے دل جیتنے والی ہرشالی ملہوترا عرف منی کو فلم سلطان دیکھ کر رونا آ گیا اور وہ سلمان خان کی تعریف کئے بغیر نہ رہ سکیں۔بالی ووڈ نگری میں سلمان خان کی فلم ہو اوروہ ریکارڈ نہ بنائے یہ ممکن نہیں، ایک بار پھرسلمان خان کی نئی فلم’’سلطان‘‘ نے باکس آفس پردھوم مچاتے ہوئے کمائی کے تمام ریکارڈ اپنے نام کرلیے ہیں ٗ پورے فلمی حلقوں اورمداحوں کی جانب سے شانداراداکاری پر دبنگ سپر اسٹار کی تعریفیں کی جارہی ہیں۔اسی طرح بجرنگی بھائی جان میں سلمان خان کے ساتھ ‘‘منی’’ کا کردار ادا کرنے والی ننھی ہرشالی ملہوترا بھی فلم سلطان دیکھنے کے بعد اپنے جذبات پر قابو نہ رکھ سکیں، ہرشالی نے سماجی رابطے کی ویب سائٹ ٹوئٹر پر سلمان خان کی تعریف میں لکھا کہ وہ سپر اسٹار کا فلم سلطان میں سہا جانے والا درد محسوس کرسکتی ہیں۔