کراچی(این این آئی ) گھریلومصنوعات بنانے والی دنیا کی مشہور کمپنی آرسیلک اے ایس نے پاکستانی کمپنی ڈالینس کو عالمی مارکیٹ میں وسعت دینے کے لیے 258 ملین ڈالر کے عوض خریدنے کا اعلان کردیا۔ایک پریس کانفرنس میں کہا گیا کہ آرسیلک کے ساتھ اس سودے میں آبادی کے لحاظ سے دنیا کے چھٹے بڑے ملک کو معاشی ترقی میں مدد ملے گی۔شرائط کی منظوری کی صورت میں کمپنی کی حوالگی 2016 کے اختتام تک متوقع ہے۔ڈالینس کی بنیاد پرائیویٹ کمپنی کے طور پر 1980 میں کراچی میں رکھی گئی تھی، اس کے دو پیداواری یونٹ کراچی اور حیدرآباد میں قائم ہیں جہاں 3 ہزار کارکن مختلف شعبوں میں کام کرتے ہیں۔ ڈالینس ریفریجریٹر، آئرکنڈیشنرز، مائیکرویواونز، واشنگ مشین اور فریزر تیار کرتا ہے۔ڈاولینس نے سال 2015 میں 221 ملین ڈالر کا سرمایہ حاصل کیا۔کوس ہولڈن کے چیف ایگزیکٹیو لیونٹ کیکراوگلو کا کہنا تھا کہ آرسیلک نے پاکستان میں عالمی معاشی اسٹریٹجی کے پیرائے میں اہم سرمایہ کاری کی ہے اور یہ سرمایہ کاری پاک ترک معاشی تعلق کو مزید مضبوط کرے گی۔ان کا کہنا تھا کہ ڈاولینس کے ہمارے گروپ میں شمولیت سے ہم پاکستان میں مضبوط معیشت کے لیے مضبوطی سے پنجے گاڑھیں گے۔کوک ہولڈنگ کے کنزیومر ڈیورایبلز گروپ کے صدر فاتح ایبک لی اوگلو کا کہنا تھا کہ پاکستان 2 سوملین آبادی کے ساتھ دنیا کا چھٹا گنجان ملک ہے، باالخصوص اس کی نوجوان آبادی اور مضبوط ہوتی معیشت اس کو خطے کی مارکیٹ کا اہم حصہ بنا دیتی ہے۔