پرتھ(مانیٹرنگ ڈیسک)آسٹریلیا کے شہر پرتھ میں مسجدکے باہر پٹرول بم دھماکا کر کے اسلام مخالف نفرت کا اظہار کیا گیا ،دھماکے کے وقت مسجد میں سیکڑوں افراد نماز کی ادائیگی میں مصروف تھے ۔غیر ملکی میڈیاکے مطابق آسٹریلوی شہر پرتھ میں مسجدکے باہر گزشتہ رات نامعلوم افراد نے پٹرول بم دھماکا کیا۔نماز کے دوران دھماکے کی آواز سن کر نمازی باہر آئے تو ایک گاڑی کو جلتے ہوئے دیکھا جبکہ مسجد کی دیوار پر اسلام مخالف پیغام بھی درج تھا۔پٹرول بم مسجد کی پارکنگ میں کھڑی گاڑی میں لگایا گیاتھا۔ دھماکے سے ایک گاڑ ی مکمل طور پر جل گئی تھی جبکہ دیگر چار گاڑیوں کو جزوی نقصان پہنچا۔