واشنگٹن (آن لائن)امریکا کے صدر براک اوباما نے ریاست ویسٹ ورجینیا کو تباہ کن سیلاب کے باعث آفت زدہ قرار دیتے ہوئے متاثرہ علاقوں میں امداد روانہ کرنے کا حکم دیا ہے۔ ریاست ویسٹ ورجینیا میں سیلاب کو صدی کا بدترین سیلاب قرار دیا جا رہا ہے۔ جس کے نتیجے میں دو درجن سے زائد افراد ہلاک ہو چکے ہیں۔ ریاست کی پچپن میں سے چوالیس کاؤنٹیز میں ناگہانی صورت حال کا اعلان کیا گیا ہے۔ سیلاب سے 100 سے زیادہ گھر تباہ جبکہ طوفان سے بتیس ہزار سے زیادہ افراد بجلی سے محروم ہو گئے۔ وائٹ ہاؤس سے جاری ایک بیان کے مطابق گورنر کی درخواست پر صدر نے تین سب سے زیادہ متاثر ہونے والی کائنٹیز کاناوا، نیکولس اور گرین برائر میں امداد بھیجنے کا حکم دیا ہے۔