پشاور…… خیبر پختونخوا کے دارالحکومت پشاور کے علاقے حیات آباد فیز5 میں امامیہ مسجد و امام بارگاہ میں 3 دھماکے ہوئے ہیں۔
حیات آباد فیز5 میں واقع امامیہ مسجد و امام بارگاہ میں نماز جمعہ کے دوران 3 دھماکے ہوئے، جس کے نتیجے میں 2 افراد ہلاک ہوگئے۔
ہسپتال ذرائع کے مطابق دھماکے کے نتیجے میں 2 افراد ہلاک جبکہ 20 زخمی ہوئے ہیں۔
زخمیوں کو حیات آباد میڈیکل کمپلیکس منتقل کردیا گیا، جبکہ پشاور کے تمام ہسپتالوں میں ایمرجنسی نافذ کردی گئی۔
ایس ایس پی آپریشنز ڈاکٹر میاں محمد سعید کے مطابق دھماکا مسجد کے قریب ہوا جبکہ مزید ہلاکتوں کا بھی خدشہ ظاہر کیا جا رہا ہے۔
عینی شاہدین کے مطابق سیکیورٹی فورسز کے یونیفارم میں ملبوس 6 مسلح افراد نے مسجد کے باہر موجود سیکیورٹی کو ختم کرنے کے لیے پہلے 10 سے 12 گرنیڈز پھینکے اور بعد میں مسجد کے اند آکر لوگوں کو ہلاک کرنا شروع کیا۔
دھماکے کے بعد علاقے میں شدید فائرنگ کی آوازیں بھی سنی گئیں۔
پولیس نے علاقے کو گھیرے میں لے لیا ہے جبکہ ریسکیو ٹیمیں جائے وقوعہ کی جانب روانہ ہوگئی ہیں۔
