واشنگٹن (مانیٹرنگ ڈیسک)عمر متین کے ایک دوست میگل نے دعویٰ کیا ہے کہ اورلینڈو نائٹ کلب میں فائرنگ دہشت گردی نہیں بلکہ بدلہ لینے کے لیے کی گئی۔امریکی تحقیقاتی ادارہ اس سلسلے میں میگل سے مزید تفتیش کررہا ہے،ایک ہسپانوی ٹی وی کو انٹرویو میں اورلینڈو حملہ آور عمر متین کے دوست میگل نے دعویٰ کیا کہ اس کی عمر متین سے سماجی رابطے کی ویب سائٹ کے ذریعے دوستی ہوئی اور ان کے درمیان پندرہ سے بیس بار ملاقاتیں ہوئیں ۔میگل کا کہنا تھا کہ عمر متین کے پورٹو ریکو کے دو لڑکوں کے ساتھ تعلقات تھے ۔ جن میں ایک کو ایڈز تھی ۔ جب عمر متین کو اس بارے میں علم ہوا تو وہ خوفزدہ ہوگیا اور اس کا کہنا تھا کہ اس کے ساتھ جو کچھ کیا گیا ہے ۔ انہیں اس کی سزا بھگتنا ہوگی ۔ عمر متین محسوس کرتا تھا کہ اسے استعمال کیا گیا ہے ۔میگل نے بتایا کہ اورلینڈو نائٹ کلب میں فائرنگ دہشت گردی نہیں بلکہ انتقام لینے کے لیے کی گئی ۔امریکی تحقیقاتی ادارہ اس سلسلے میں میگل سے مزید تفتیش کررہا ہے ۔