اسلام آباد (آن لائن) پاکستان رویت ہلال کمیٹی کے چیئرمین مفتی منیب الرحمن نے کہا ہے کہ شریعت کے مطابق کام کرتے ہیں، عملدرآمد ریاست کا کام ہے، تفرقہ میں پڑتا ہوں نہ اس کی بات کرتا ہوں زمین پر امن و محبت کیلئے ایک دوسرے کی رائے سوچ اور عقیدہ کا احترام کرنتا چاہئے، ان خیالات کا اظہار انہوں نے گزشتہ روز ایک انٹرویو میں کیا، انہوں نے کہا کہ میں تفرقہ میں نہیں پڑتا، نہ ہی اس پر بات کرتا ہوں اور نہ ہی کسی نے ایسا اخبار پڑھا ہوگا، جو میری ذمہ داریاں ہیں کوشش کرتا ہوں کہ انہیں ادا کرنے میں سرگرم رہوں باقی ہمارا کام نہیں ہے، کسی چند پر عمل کروانا ریاست کا کام ہے، دنیا بھر میں نظر ملتی ہے ریاست کا کام ہے عمل کروائے، مفتی منیب الرحمان نے کہا کہ ریاست کو اس کی ذمہ داریاں لینی چائیں، اپنی رٹ قائم کرنا ریاست کا کام ہے کسی دوسرے ملک میں ہمیں ایسی مثال ملتی ہے جس طرح کی صورتحال پاکستان میں وقوع پذیر ہوتی ہے، ان کا کہنا تھا کہ میں یہ ہی کہتا ہونکہ تفرقہ نہیں ہونا چاہئے، مجھے نہیں لگتا کہ مجھے اس پر بات کرنی چاہئے، انہوں نے کہا کہ رمضان سنت کے مطابق اللہ کی عبادت میں گزارنا چاہئے، ایک دوسرے کا خیال کرتے ہوئے تفرقہ میں نہیں پڑنا چاہئے، انسانیت کا سوچنا چاہئے، اللہ کی دھرتی کو امن کا گہوارا بنانے کیلئے ایک دوسرے کی رائے سوچ اور عقیدہ کا احترام کرنا چاہئے، اگر آپ کسی سے اختلاف رکھتے ہیں تو اس بات کا حق ہے، مگر دوسرے شخص کی رائے کا احترام کرنا آپ کا فرض ہے، اختلاف کو انتقام تک بڑنے نہیں دینا چاہئے، اسلام کا فلسفہ حیات انسانوں سے محبت ہے،مفتی منیب الرحمان نے کہا کہ اس بار وزارت مذہبی امور نے کوشش کی ہے کہ ملک بھر میں ایک دن آغاز رمضان ہو، کمیٹی کے تمام ممبرز عصر کے بعد مغرب سے 15 منٹ پہلے تک اجلاس میں بھٹے ہیں ہھر اوپر چلے جاتے ہیں، اب اس بار کراچی میں اجلاس کے بعد جب اوپر گئے تو پتا چلا کہ اس بار سب سے پہلے چاند صحافیوں نے دیکھ لیا 2 سال کے بعد یہ واضح ہوا کہ چاند فوراً نظر آگیا، کراچی کا مطلع صاف تھا، اسا بھی ہوتا ہے کہ مطلع صاف نہیں ہوتا ٹیلی سکوپ سے سارے لوگ دیکھتے ہیں، بعض دفعہ ایسا ہوتا ہے کہ مطلع صاف ہو تو چاند نظر آجاتا ہے، ورنہ مٖغرب کی نماز کے بعد دوبارہ بیٹھ جاتے ہیں، انہوں نے کہا کہ کمیٹی کے ممبران عید کا چاند دیکھنے کیلئے 29 رمضان کو بیھٹے گے اگر چاند نظر آگیا تو 30 واں روزہ نہیں ہوگا عید ہوگی۔(وقار/راٹھور