لاہور(مانیٹرنگ ڈیسک) عوامی مسلم لیگ کے سربراہ شیخ رشید نے کہا ہے کہ ساری اپوزیشن بھی حکومتی نشستوں پر بھی آجائے تو میں اپنی بات پر قائم ہوں2016کے اندر (ن) لیگ ختم ہو جائیگی‘طاہر القادری ملک میں رہیں یا نہ ہوں اپوزیشن کی تحر یک ضرور چلے گی ‘اسحا ق ڈار کی غیر ملکی جائیدار بھی قوم کے سامنے آنیوالی ہے تھوڑ انتظار کر یں‘پیپلزپارٹی اپوزیشن کیساتھ کھڑی ہے ‘(ن) لیگ کی اپوزیشن کو تقسیم کر نے کی کوشش کا میاب نہیں ہوگی ‘جمہو ریت کی سب سے بڑی دشمن (ن) لیگ خود ہے جو اپنے پاؤں پر کلہاڑی مارے گی اور سیاسی شہید ہونا چاہتی ہے ۔ اپنے ایک انٹر ویو میں عوامی مسلم لیگ کے سربراہ شیخ رشید نے کہا ہے کہ نوازشر یف جمہو ریت اور پار لیمنٹ بچانا چاہتے ہیں تو انکے پاس ایک ہی راستہ ہے کہ خود کو وزیر اعظم کے عہدے سے الگ کر لیں اور ملک میں خود کو احتساب کیلئے پیش کر دیں ۔ ایک سوال کے جواب میں شیخ رشید احمد نے کہا کہ (ن) لیگ کو ٹی اوآرز کے معاملے پر پتہ ہے نوازشر یف کانام شامل ہوگا تو حکومت کے صرف گھر نہیں جا ئیگی بلکہ کر پشن کر نیوالے جیلوں میں جائیں گے ۔ انہوں نے کہا کہ نوازشر یف کی کر پٹ حکومت کو صرف اپوزیشن اور عوام ہی نہیں ’’وہ ‘‘بھی قبول کر نے کو تیار نہیں اس لیے جمہو ریت اور ملکی مفاد میں ہوگا کہ نوازشر یف اقتدار سے الگ ہوجائے ۔ انہوں نے کہا کہ طاہر القادری ملک میں رہتے ہیں یا جاتے ہیں مجھے پتہ نہیں اگر وہ نہیں بھی رہیں گے تو اپوزیشن عید کے بعد سڑکوں پر ضرور آئیں گی ۔