اورلینڈو (آئی این پی)امریکی ریاست فلوریڈا کے شہر اورلینڈو میں ہم جنس پرستوں کے نائٹ کلب میں فائرنگ کرنے والے عمر متین کی سابقہ بیوی نے کہا ہے کہ اورلینڈو فائرنگ کے واقعہ کے بعد جان کا خطرہ ہے ۔ عمر متین چھوٹی چھوٹی بات پر جسمانی تشدد کرتا تھا ۔غیر ملکی میڈیا کے مطابق اورلینڈو میں ہم جنس پرستوں کے نائٹ کلب میں فائرنگ کرنے والے عمر متین کی سابقہ بیوی کا بیان سامنے آیا ہے جس میں اس کا کہنا ہے کہ واقعہ کے بعد میری جان کو خطرہ ہے ۔عمر متین سے شادی کے بعد پہلے سب کچھ ٹھیک رہا پھر بعد میں عمر مجھ پر مسلسل تشدد کرنے لگا۔ عمر متین سے آٹھ سال پہلے آن لائن تعارف ہوا تھا ۔ وہ چھوٹی چھوٹی باتوں پر جسمانی تشدد کرتا تھا۔ ملزم کی بیوی کا کہنا تھا کہ شادی کے بعد مسلسل جسمانی تشدد کرتا تھا ۔ عمرمتین ذہنی طور پر غیر متوازن تھا۔