اسلام آباد (مانیٹرنگ ڈیسک)پاکستان تحریک انصاف نے پانامہ لیکس کی تحقیقات کیلئے ٹی او آرز بنانے کیلئے قائم پارلیمانی کمیٹی کے آئندہ اجلاس شرکت نہ کرنے کا فیصلہ کرلیا ہے۔ میڈیا رپورٹ کے مطابق تحریک انصاف نے ٹی او آرز بارے پارلیمانی کمیٹی کے آئندہ اجلاس میں شرکت نہ کرنے کا فیصلہ اس لئے کیا ہے کہ حکومت مسلسل اپوزیشن کے ٹی او آرز سے اختلاف کر تی آرہی ہے ، اس سلسلے میں شاہ محمود قریشی کا کہنا ہے کہ حکومت وزیراعظم کے احتساب کیلئے سنجیدہ نہیں ہے کسی حال میں نواز شریف کا نام شامل کرنے کیلئے تیار نہیں ہے ۔ نواز شریف کا نام شامل کیے بغیر پانامہ لیکس کی تحقیقات بے کار ہیں۔ انہوں نے کہا کہ وزیراعظم کا نام شامل نہ کرنے تک ٹی او آر کمیٹی اجلاس میں شرکت نہیں کریں گے۔’ ٹی او آرز اجلاس میں مزید بیٹھنا فضول ہے۔
>پاکستان تحریک انصاف کے راہنماء شاہ محمود قریشی کا کہنا تھاکہ ٹی او آر کا معاملہ کھٹائی میں جاتا دکھائی دے رہا ہے کمیٹی میں بیٹھنا بے سود ہے حکومت معاملے کو طویل دینا چاہتی ہے۔ نجی ٹی وی کے پروگرام میں گفتگو کرتے ہوئے شاہ محمود قریشی نے کہا کہ ٹی او آر کے معاملے پر حکومت سنجیدہ نہیں ہے حکومت نے اپنا جواب دیا تھا اور ہم نے حکومت کے چار سے تین نقطے منظور کرلیے اور ایک نقطہ پر ہم نے اپنی مزید تجاویز دیں انہوں نے کہا کہ وزیر دفاع کہتے ہیں پانامہ لیکس کوئی مسئلہ ہی نہیں ہے تو ایسے بیانات سے کیا توقع کی جاسکتی ہے کہ حکومت کمیشن بنائے گی لگتا ہے کہ ٹی او آر کمیٹی کی ساری کارروائی بے سود ہے حکومت اسے طول دینا چاہتی ہے۔