دمشق(مانیٹرنگ)اقوام متحدہ کے سیکرٹری جنرل بان کی مون نے کہا ہے کہ شامی امن مذاکرات کے لیے اگرچہ وقت ابھی مناسب نہیں ہے لیکن اگر جلد ایک سنجیدہ معاہدہ نہ کیا گیا تو شام میں صورت حال مزید بگڑ سکتی ہے۔میڈیارپورٹس کے مطابق ایک بیان میں بان کی مون کا کہنا تھا کہ شام کے لیے ان کے نمائندہ خصوصی اسٹیفان دے مِستورا نے مذاکرات کے تیسرے راؤنڈ کے لیے کوئی تاریخ طے نہیں کی کیونکہ اس کے لیے ابھی وقت مناسب نہیں ہے۔ بان کی مون نے شامی حکومت سے مطالبہ کیا کہ وہ مشکلات میں گھرے شامی شہریوں تک امداد کی فراہمی کی راہ میں رکاوٹیں دْور کرے۔