کوالالمپور (اے پی پی) ملائشین وزیراعظم نجیب رزاق کا تمسخر اڑانے کے قابل اعتراض کارٹون بنانے والے گرافک آرٹسٹ کے خلاف الزامات کی چارج شیٹ عدالت میں پیش کردی گئی ۔پیر کو عالمی ذرائع ابلاغ کی رپورٹس کے مطابق 38 سالہ فہمی رضا پر ملکی ملٹی میڈیا قوانین کی خلاف ورزی کرنے کاالزام عائد کیا گیا ہے فہمی رضا نے وزیراعظم کی کرپشن کو اجاگر کرنے کے لئے پوسٹرز پر ایسے کارٹوں بنا کر آن لائن جاری کئے اور عوامی جگہوں پرآویزاں کئے جن میں وزیراعظم نجیب کو منحوس مسخرے کی شکل میں دکھایا گیا تھا .جبکہ ملائشیا ء کے کمیونیکیشنز اور میڈیا قوانین کے مطابق آن لائن اسقسم کا مواد جاری کرنے کی ممانعت ہے جوکہ دوسروں کے لئے دھمکی آمیز،قابل نفرت اور انکے حقوق کے خلاف ہو۔ ملائشیا کے سرکاری وکیل نے کہا ہے کہ عدالت میں الزام ثابت ہونے کی صورت میں فہمی رضاکو ایک سال قید اور 50000 رنگٹ جرمانہ کی سزاہوسکتی ہے ۔