نئی دہلی(آئی این پی )بھارت کی بڑی اپوزیشن جماعت کانگریس نے کہا ہے کہ بھارت کی خود مختاری کو دہائیوں سے چیلنج دینے والے پاکستان اسپانسرڈ دہشت گردوں کو ہمیشہ منہ توڑ جواب دیا گیا لیکن مودی حکومت نے اسے پٹھان کوٹ حملے میں کلین چٹ دے کر دہشت گردی کے خلاف ہماری جنگ کو کمزور کیا ہے۔بھارتی میڈیاکے مطابق کانگریس کے محکمہ مواصلات کے سربراہ رندیپ سنگھ سرجیوالا نے صحافیوں سے گفتگو کرتے ہوئے کہا کہ پاکستانی دہشت گردوں نے پٹھان کوٹ حملے کو انجام دیا تھا لیکن مودی حکومت نے اس حملے میں پاکستان کو کلین چٹ دے کر دہشت گردی کے خلافبھارت کی جنگ کو قومی اور بین الاقوامی سطح پر کمزور کیا ہے۔انہوں نے کہا کہ مودی نے پاکستان میں سالگرہ اور شادی کی تقریب میں شامل ہوکر اور پٹھان کوٹ حملے کی تحقیقات کے لئے پاکستانی مشترکہ تفتیشی ٹیم کو پٹھان کوٹ ایئر فورس اسٹیشن میں گھسنے کی اجازت دے کر ہماری جدوجہد کو کمزور کیا ہے اور اب قومیتحقیقاتی ایجنسی (این آئی اے) کے سربراہ نے آئی ایس آئی اور پاکستانی فوج کے اس حملے میں شامل نہ ہونے سے متعلق بیان دے کر دہشت گردی کے خلافبھارت کی جنگ کو مزید کمزور کر دیا ہے۔واضح رہے کہ گزشتہ روز بھارتی تحقیقاتی ایجنسی (این آئی اے ) کے ڈائریکٹر جنرل شرد کما ر نے کہا تھاکہ پٹھانکوٹ حملے میں پاکستانی حکومت یا اسکی ایجنسیوں کے ملوث ہونے کے کوئی ثبوت نہیں ملے ۔