اسلام آباد(آن لائن) وزیر اعظم پاکستان میاں نواز شریف کی صحت یابی کیلئے کالے بکروں کا صدقہ دینے والوں کی تعداد میں اضافے وجہ سے وفاقی دارلحکومت میں کالے بکرے نایاب ہوگئے ،اسلام آباد کے نواحی علاقے سید پور سمیت مختلف مقامات پر بکرا منڈیوں میں کالے بکروں کے خریداروں کی تعداد بڑھ جانے کی وجہ سے بیوپاریوں سے دوردراز علاقوں سے بکرے منگواکر مہنگے داموں فروخت کر دئیے ہیں ،وزیر اعظم پاکستان میاں نواز شریف کے لندن میں دل کے اپریشن کے موقع پر پاکستان کے مختلف شہروں میں دعائیہ تقریبات منعقد ہوئی اسی طرح اسلام آباد میں بھی کئی مقامات پر تقریبات کا انعقاد کیا گیا اور لیگی اراکین اسمبلی اور کارکنوں نے کالے بکروں کے صدقے دئیے جس کی وجہ سے اسلام آباد میں کالے بکرے نایاب ہوگئے ہیں اور جن بیوپاریوں کے پاس کالے بکرے موجود ہیں ان کی منہ مانگی قیمت وصول کی جا رہی ہے ۔