لاہور پاکستان کے جادوگر اسپنر اور حال ہی میں باولنگ ٹیسٹ کرنے کلیئر کرنے والے دوسرا اسپیشلسٹ سعید اجمل کی ورلڈ کپ میں شمولیت سے متعلق نجم سیٹھی نے حقائق بتادیئے ہیں معروف تجزیہ کار نے جیو کے پروگرام آپس کی بات نجم سیٹھی کے ساتھ میں گفتگو کرتے ہوئے کہاکہ عوام سعید اجمل کو ورلڈ کپ میں دیکھنا چاہتے ہیں لیکن ان سے متعلق اصل حقائق سے آگاہ نہیں اس لئے پی سی بی کے فیصلے کو غلط قرار دیا جارہا ہے انہوں نے کہاکہ متعدد بار ہونے والے باولنگ ٹیسٹ میں سعید اجمل اور پی سی بی کے درمیان مکمل ہم آۃنگی تھی تمام مواقع پر سعید اجمل نے بورڈ کا مکمل ساتھ دیا انہوں نے کہاکہ بھارت میں ہونیوالے ٹیسٹ سے قبل سعید اجمل کافی محنت کے باوجود دونوں باولنگ ٹیسٹ کلئر نہیں کرپائے تھے انہیں اس بات کا ادراک تھا کہ ان کی باولنگ میں وہ دم خم فی الحال باقی نہیں رہا سیٹھی کے بقول سعید اجمل کے پہلے ٹیسٹ میں ناکامی کے باوجود کینیا کی اے ٹیم کے خلاف انہیں صرف یہی معلوم کرنے کیلئے کھلایا گیا کہ آیا وہ درست طور پر پہلے جیسی باولنگ کرسکتے ہیں یا نہیں میچ کے بعد اجمل نے خود تسلیم کیا کہ انہیں فارم میں واپس آنے کیلئے مزید وقت اور پریکٹس درکار ہے پی سی بی کے سابق چیئرمین کا کہنا تھا کہ سعید اجمل خود جانتے ہیں کہ وہ بھر پور پریکٹس اور فارم میں آنے کے بعد میدان میں قدم رکھیں وہ بنگلہ دیش کے خلاف سیریز میں کھیلنا چاہتے ہیں انہیں ہر معاملے میں بورڈ کی بھر پور حمایت حاصل ہے