لندن(این این آئی)برطانوی وزیراعظم نے امریکی صدارتی امیدوار ڈوونلڈ ٹرمپ کی جانب سے دورہ برطانیہ کے خودساختہ بیان کومستردکردیا،غیرملکی خبررساں ادارے کے مطابق گزشتہ روز جاری کیے گئے ایک بیان میں بر طانوی وزیراعظم ڈیوڈ کیمرو کے ایک ترجمان نے بتایاکہ وزیراعظم کیمرون نے کسی دورے کی دعوت نہیں دی۔ ٹرمپ صدر بنے توملاقات ممکن ہے۔ڈونلڈ ٹرمپ نے ایک مارننگ شو میں ڈیوڈ کیمرون کی جانب سے ملاقات کی دعوت دیے جانے کادعوٰی کیا تھا جسے برطانوی وزیراعظم کے ترجمان نے مسترد کردیا۔ ترجمان کا کہنا تھا کہ ری پبلکن اور ڈیموکریٹ صدارتی امیدواروں سے وزیراعظم کی ملاقاتیں ہوتی رہی ہیں، جبکہ ٹرمپ اگر صدر منتخب ہوئے تو ڈیوڈ کیمرون ضرور ملاقات کریں گے۔اس سے قبل برطانوی وزیراعظم نے ڈونلڈ ٹرمپ کے مسلمانوں کے داخلے پر پابندی کے بیان کی سخت مخالفت کی تھی۔ ڈیوڈ کیمرون کا کہنا تھا کہ ٹرمپ کا مسلمانوں سے متعلق بیان غیر زمہ دارانہ اور بچکانہ ہے۔