واشنگٹن (این این آئی) امریکی عدالت نے بھارتی نژاد امریکیوں کو ویزہ اور کریڈٹ فراڈ اور پیپر میرج کرانے کے جرائم میں ملوث افراد پر فرد جرم عائد کر دی ۔میڈیارپورٹس کے مطابق بھارتی مافیا سے تعلق رکھنے والا گینگ ایک طویل عرصہ سے گرین کارڈ دلوانے کا جھانسہ دیکر فرضی شادیاں کروانے اور لوگوں کو جعلی ویزے دلوانے کے دھندے میں ملوث تھا اور اس گھناونے کاروبار سے انہوں نے کئی ملین ڈالرز کا فراڈ کیا تھا۔بھارتی گینگ میں شامل سچن گریش کمار پٹیل، ترون کمار، پردتشم بھائی پٹیل، سمپس لائیڈ گڈمین، ایوری لی ہیرس، سنجے روٹھی لال پٹیل، مہیش کمار منگل داس پٹیل، آشابین مکیش، راجن نریش کمار۔ گوپال داس کھودا بھائی، سچن کھودی اور بلدیو بھائی رام پٹیل پر فرد جرم عائد کر دی گئی ہے ۔ذرائع کے مطابق یہ بھارتی گینگ نہ صرف بھارتی تارکین وطن بلکہ دیگر کیمونٹیز سے بھی فراڈ میں ملوث پایا گیا ہے۔