قدرت کی تخلیقات بعض اوقات اس صورت میں سامنے آتی ہیں کہ دیکھنے والے یک وقت حیرت اور خوف میں مبتلا ہوجاتے ہیں۔ چین کے ایک کسان کے گھر میں ایک ایسے سور کے بچے کی پیدائش ہوئی ہے کہ جس کا چہرہ بالکل انسانی چہرے کی مانند ہے اور اس کے ماتھے پر مخصوص عضو بھی ابھرا نظر آتا ہے۔ یہ واقعہ ناننگ شہر کے علاقہ یانان میں پیش آیا ہے اور اس کی خبریں مقامی میڈیا میں آنے کے بعد لوگوں کی بڑی تعداد نے کسان طاﺅلو کے گھر کا رخ کرلیا۔ طاﺅ کا کہنا ہے کہ اسے درجنوں فون کالز موصول ہوئی ہیں جس میں لوگوں نے اس عجیب و غریب جانور کو منہ مانگے داموں خریدنے کی پیشکش کی لیکن وہ مسلسل اسے بیچنے سے انکار کرتا رہا۔اس کا خیال تھا کہ وہ اس کی نمائش لگائے گا اور ڈھیروں مال کمائے گا لیکن قدرت کو کچھ اور ہی منظور تھا۔ چند گھنٹوں بعد ہی اس حیرت انگیز جانور کی موت ہوگئی۔ طاﺅ کا کہنا ہے کہ اب وہ سخت پچھتا رہا ہے کہ چند گھنٹے قبل وہ اسے منہ مانگے داموں بیچ کر خاصی رقم حاصل کرسکتا تھا مگر اس کے لالچ نے اب اسے مایوس و نامراد کردیا ہے